Хенри Форд, сопственикот на производителот за автомобили Форд, има огромна улога во формирањето на викендите. Како?

Уште одамна различните религии користат различни денови за одмор: муслиманите одмораат во петок, евреите во сабота, христијаните во недела.

Но, се случило на крајот на 1800тите години, во Америка, кога индустриската економија земала поголем замав од фармерскиот живот.

И фармерите почнале да работат во индустриите, но, си барале и време со семејството и време за работа на фармите.

Ваквите барања прераснале во огромно движење на штрајкови на работниците. Било лесно да се даде недела како ден, поради доминантно христијанско население, а и евреите си ја барале сабота.

Но, промената тргнала од чевекот кој препознал шанса за зајакнување на бизнисот – Хенри Форд.

Форд сфатил дека неговите работници повеќе ќе ги користат своите автомобили ако имаат повеќе време.

Па така, прв го вовел 5/2 системот на работни денови, за да си ја зголеми продажбата и продуктивноста на работниците.

По него, многу бизниси ја прифатиле таа шема и во 1938 година е усвоен системот „40 работни часови неделно“.